"A Rianxeira"
Historia
Foi composta en 1947 e estreada un ano despois polo Coro Castelao da cidade de Bos Aires. A súa estrea oficial foi en 1950.
Esta mítica peza gravouse na capital Arxentina co título “Ondiñas da nosa ría”, e Iogo foi popularizada en Galicia nos anos cincuenta polo coro “Bernardo do Río”, que solo conservou a súa melodía.
Xesús Frieiro Dourado, “Pinciñas”, foi o autor da súa letra. Chegou a el partindo dun amplo repertorio de coplas populares rianxeiras á Virxe de Guadalupe cuxas festas comezan cada ano, dende 1854, o primeiro domingo posterior ó 8 de setembro.
A música foi creada polo emigrante rianxeiro Anxo Romero Loxo, quen por entón dirixía a Rondalla Castelao na cidade de Bos Aires.
Hoxe “A Rianxeira” converteuse casi no segundo himno de Galicia. Existe máis dunha versión da letra de “A Rianxeira”.
Imaxe da partitura orixinal
Copia da partitura orixinal con arquivo midi
As estrofas primeiras de "Pinziñas"
I
Moito me gustas rianxeira
que estás eiquí na Arxentina
verche cantar e bailar-e
coma ala na terra miña (bis)
Estribillo
Ondiñas veñen
ondiñas veñen e van
non te embarques rianxeira
que te vas a marear
II
Que guapa estabas rapaza
cando che vin na ribeira
tiña-la cara morena
coma a virxe rianxeira (bis)
III
A virxe de Guadalupe
vai no yate de Baltar
lévana os rianxeiros
a remolque polo mar (bis)