PRAIAS
Cargando galería...
Praia de Tanxil Rianxo-Rianxo Por: Alumnado do ENDL
Praia de Tanxil
Rianxo-Rianxo
Por: Alumnado do ENDL
A praia de Tanxil está mesmo na vila de Rianxo, xusto ao lado da praia de Quenxo. Pódese ir ata ela a pé se vives na zona de Xogo dos Bolos ou na Punta de Fincheira. Se vas en coche ten dous aparcamentos, un arriba e outro detrás dun bar que hai, os dous son gratuítos.
O areal está composto por area de grans gordos nunha parte, e noutras por grava; tamén hai cunchas de berberechos e ameixas nalgunhas zonas. A praia mide aproximadamente 800 metros, e está separada de Quenxo por un muro de pedra. Hai uns anos fixeron outro muro no outro lado da praia, tamén de predra.
Atrás do areal hai unha zona con árbores que lle dan sombra aos camiños que levan á praia, por eles podes atopar fontes. Este lugar é idóneo para comer ou botar unha sesta xa que o chan está cuberto por herba. Nunha esquina encóntranse uns baños edificados en madeira.
Na rúa que dá á praia atópanse dous restaurantes e ás veces no verán hai un carro de xeados.
Praia das Cunchas Leiro-Rianxo Por: Alumnado do ENDL
Ao lado onde se aparcan os vehículos hai un restaurante medio cativeiro pero cómese moi ben e tamén hai unha zona con moitos pinos onde se pode facer picnic aínda que agora foron destruídos por un tornado e ao lado da praia unha caseta de socorristas e pista para as ambulancias.
Praia das Cunchas
Leiro-Rianxo
Por: Alumnado do ENDL
A praia das Cunchas atópase no lugar de Brión, ata ela pódese chegar andando ou en coche, porque o camiño está asfaltado, aínda que é estreito e os coches non se poden aparcar a cada lado, por iso hai unha morea de leiras inutilizadas que agora se empregan de aparcadoiros gratuítos.
A praia ten aproximadamente 500 metros de longo por 50 de ancho. As súas areas son moi finas e con moitas cunchas de ameixas e berberechos enterradas no chan, de aí vén o seu nome.
Ás veces polas mañás a auga está moi fría e pola tarde está a temperatura ideal para bañarse. Cando a marea está baixa hai moito espazo para colocar os parasois e as toallas e practicamente non nos podemos bañar porque hai pouca auga e pouca profundidade.
Cando a marea sobe moito hai pouco espazo para poñer os parasois e as toallas porque hai moita xente cubrindo toda a praia en cambio hai moito espazo para bañarse excepto nunha zona especial que está preparada para que entren os barcos e poidan ancorar. Alí non se pode bañar mentres estén en movemento para que non se produzca un accidente.
Ao lado onde se aparcan os vehículos hai un restaurante medio cativeiro pero cómese moi ben e tamén hai unha zona con moitos pinos onde se pode facer picnic aínda que agora foron destruídos por un tornado e ao lado da praia unha caseta de socorristas e pista para as ambulancias.
Praia de A Torre-Taragoña-Rianxo Por: Alumnado do ENDL
A praia da Torre, chamada así por mor da presenza dos xacementos da fortificación medieval (Castelo da Lúa) existente na punta da Torre e tamén pola enorme torre que ten no medio, que en tempos anteriores foi un ha cheminea dunha fábrica. O areal esténdese e está limitado pola punta de Iñobre ou punta da Posta e a desembocadura do río Té, cunha lonxitude de aproximadamente de 1.200 metros. A praia localízase na parroquia de Taragoña, no fondo da ría de Arousa, na zona coñecida como enseada de Beluso, na comarca do Bardanza.
No seu momento chegou a ter dúas cantinas ou chiringuitos.
Na actualidade ten un paseo marítimo dos máis afamados da comarca, ademáis de distintos servizos, como aparcadorios, acceso a minusválidos, fontes, áreas de recreo...
Preto do lugar, atópanse as ruinas medievais do castelo da Lúa, próximas tamén a outra praia, a praia do Pazo, a cal conta con magníficas vistas á enseada de Rianxo.